27 лютага супрацоўнікі Беларускага культурнага цэнтра духоўнага Адраджэння наведалі Трасцянецкую сярэднюю школу ў рамках прэзентацыі кнігі І.А.Масленіцынай "Уладзімір Амельянюк", прысвечанай першаму рэдактару газеты "Звязда", удзельніку Мінскага падполля ў гады Вялікай Айчыннай вайны. У кнізе прадстаўлена не толькі поўная біяграфія героя, насычаная падзеямі і драматызмам, але і раскрыты лёс яго бацькі Сцяпана Кандрацьевіча, які загінуў у лагеры смерці "Трасцянец". На заканчэнне сустрэчы з пісьменніцай супрацоўнікі Беларускага культурнага цэнтра духоўнага Адраджэння наведалі музей Трасцянецкай сярэдняй школы і дамовіліся аб сумесным супрацоўніцтве ў галіне абмену інфармацыяй аб героях Вялікай Айчыннай вайны і ахвярах лагера смерці "Трасцянец", падрыхтоўцы сумесных інфармацыйных матэрыялаў для шырокай аўдыторыі.
