20 верасня 2023 года ў Храме-помніку ў гонар Усіх Святых і ў памяць аб ахвярах, якія паслужылі ў выратаванні Айчыны нашай у рамках IV Фестывалю мастацтваў, прайшла дыялогавая пляцоўка "Беларусь – краіна яднання".
У склад прэзідыума дыялогавай пляцоўкі ўвайшлі Мітрапаліт Мінскі і Заслаўскі Веніямін, Патрыяршы Экзарх Усяе Беларусі; Міністр культуры Рэспублікі Беларусь Анатоль Маркевіч; Упаўнаважаны па справах рэлігій і нацыянальнасцей Рэспублікі Беларусь Аляксандр Румак; намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па правах чалавека, нацыянальных зносінах і сродках масавай інфармацыі, кіраўнік парламенцкай групы па справах беларусаў замежжа Валянціна Ражанец.
Пасля прывітальных слоў членаў прэзідыума перад удзельнікамі форуму выступілі кіраўнікі грамадскіх аб'яднанняў беларусаў замежжа: старшыня грамадскай арганізацыі "Федэральная нацыянальна-культурная аўтаномія Беларусаў Расіі" Сяргей Кандыбовіч (г. Масква, Расійская Федэрацыя); старшыня Ерэванскай Беларускай абшчыны Арменіі «Беларусь» Ірына Пагасян (г. Ерэван, Арменія); кіраўнік Усеіспанскай асацыяцыі "IsBelarus", дырэктар кансультатыўна-моўнага цэнтра "Лінгваландыя" Святлана Яськова (г. Мадрыд, Іспанія); старшыня рэгіянальнай грамадскай арганізацыі "Нацыянальна-культурнай аўтаноміі беларусаў у Томскай вобласці" Любоў Адаскевіч (г. Томск, Расійская Федэрацыя).
У рамках мерапрыемства паміж Грамадскай арганізацыяй "Федэральная нацыянальна-культурная аўтаномія Беларусаў Расіі" і Дзяржаўнай установай "Беларускі культурны цэнтр духоўнага Адраджэння" быў падпісаны Дагавор аб супрацоўніцтве.
Потым адбылася цырымонія ўзнагароджання беларусаў замежжа. Узнагароды ўручалі Міністр культуры Рэспублікі Беларусь Анатоль Маркевіч і Упаўнаважаны па справах рэлігій і нацыянальнасцей Аляксандр Румак.
У завяршэнне перад удзельнікамі мерапрыемства выступіў мужчынскі хор "Усіхсвяцкі".
Па матэрыялах Church.by
