29.06.2024
Напярэдадні 80-годдзя з дня вызвалення Беларусі ад нямецка-фашысцкіх захопнікаў судовыя эксперты цэнтральнага апарата і сталічнага ўпраўлення разам са сваімі сем'ямі ў час аўтапрабегу ўшанавалі памяць ахвяр Вялікай Айчыннай вайны, паведамілі БЕЛТА у прэс-службе Дзяржаўнага камітэта судовых экспертыз.
Стартавай кропкай стала экскурсія па тэрыторыі аднаго з самых журботных мемарыяльных месцаў на карце Беларусі - былога лагера смерці Трасцянец. Падчас хвіліны маўчання, пралогам да якой прагучаў урывак з паэмы Роберта Раждзественскага "Рэквіем" - верш "Помніце", судовыя эксперты маўкліва падзякавалі героям, якія пралілі кроў і склалі свае жыцці за светлае і мірнае неба над Беларуссю.
Памятныя мерапрыемствы ў Трасцянцы завяршыліся ўскладаннем кветак да галоўнага манумента мемарыяльнага комплексу. Пасля гэтага быў дадзены афіцыйны старт аўтапрабегу.
Наступным пунктам стаў Храм-помнік у гонар Усіх святых і ў памяць аб ахвярах, якія паслужылі ў выратаванні Айчыны нашай. У аніксавай Крыпце храма знаходзіцца урна з попелам спаленых вязняў лагера смерці Трасцянец.
У царкве, узведзенай для ўвекавечання памяці многіх пакаленняў беларусаў, якія аддалі жыццё за Айчыну, у іх гонар прачытана падзячная малітва.
Па матэрыялах БЕЛТА
