23 лістапада 2023 года ў Нацыянальнай бібліятэцы адбылося ўрачыстае адкрыццё ІХ Беларускіх Калядных адукацыйных чытанняў. Тэма гэтага года - "Праваслаўе і айчынная культура: страты і набыцця мінулага, вобраз будучыні". З прывітальным словам да прысутных звярнуліся мітрапаліт Мінскі і Заслаўскі Веніямін, Патрыяршы Экзарх усяе Беларусі; высокапраасвяшчэнны Гурый, арцыбіскуп Навагрудскі і Слонімскі; Вадзім Гігін, генеральны дырэктар Нацыянальнай бібліятэкі Беларусі; Міхаіл Баразна, рэктар Беларускай дзяржаўнай акадэміі мастацтваў; протаіерэй Фёдар Поўны, старшыня сінадальнага аддзела Беларускай праваслаўнай царквы па супрацоўніцтве са свецкімі ўстановамі адукацыі; прадстаўнікі міністэрстваў і дыпламатычнага корпуса. Да пачатку мерапрыемства адбылася прэзентацыя Праекта Саюзнай Дзяржавы "Рэканструкцыя будынкаў пад інфармацыйны цэнтр экскурсійнага абслугоўвання Мемарыяльнага комплексу "Трасцянец" з пастаяннай тэматычнай экспазіцыяй".
На пленарным пасяджэнні дакладчыкі ў сваіх выступленнях закранулі пытанні дзяржавы і Царквы ў беларускай палітычнай традыцыі, ролі культуры і адукацыі ў сцэнары будучыні Беларусі, жыцця чалавека ў сучасным свеце, роля духоўна-маральных каштоўнасцей, бесперапыннай пераемнасці духоўных традыцый у захаванні нацыянальнай ідэнтычнасці беларускага народа.
Ва ўрачыстай абстаноўцы былі ўзнагароджаны пераможцы рэспубліканскіх конкурсаў "Кніга мне - кніга ўва мне", "Бібліятэка - цэнтр духоўнай асветы і выхавання" і "Святло Міласэрнасці".
У рамках форуму адбылася прэзентацыя 12-томнай кніжнай калекцыі "Рускія пісьменнікі-класікі і праваслаўе", выдадзенай Міжнародным фондам духоўнага адзінства народаў. Напрыканцы прэзентацыі выданні з кніжнай калекцыі былі перададзены ў дар Нацыянальнай бібліятэцы Беларусі.
Таксама ўдзельнікі мерапрыемства пазнаёміліся з выставамі кніг выдавецтваў "Адукацыя і выхаванне", Беларускага экзархата, выставай "Сацыяльна-асветніцкая дзейнасць Цэнтра падтрымкі сям'і, мацярынства і дзяцінства "Пакрова" і Дабрачыннага фонду падтрымкі сям'і, мацярынства і дзяцінства "Пакроў". У рамках IX Беларускіх Калядных адукацыйных чытанняў прайшло пасяджэнне круглага стала “Духоўная асвета праз дзейнасць бібліятэк”. Форум адбыўся пры падтрымцы Міністэрства культуры, Міністэрства аховы здароўя, Міністэрства адукацыі, Міністэрства працы і сацыяльнай абароны, Міністэрства інфармацыі, Нацыянальнай акадэміі навук Беларусі, Нацыянальнай бібліятэкі Беларусі.
Па матэрыялах https://www.nlb.by/content/news/national-library-of-belarus/v-biblioteke...
