У Нацыянальным мемарыяльным комплексе «Храм-помнік у гонар Усіх Святых і ў памяць аб ахвярах, якія выратаванню Айчыны нашай паслужылі" прайшло набажэнства з нагоды правядзення II гульняў краін СНД, перадае карэспандэнт БЕЛТА.
Набажэнства правёў мітрапаліт Мінскі і Заслаўскі Веніямін, Патрыяршы Экзарх усяе Беларусі. У мерапрыемстве прыймалі ўдзел Міністр спорту і турызму Сяргей Кавальчук, упаўнаважаны па справах рэлігій і нацыянальнасцяў Аляксандр Румак, а таксама каля 150 спартсменаў і трэнераў.Уладыка адзначыў, што будзе не толькі перажываць за спартсменаў, падтрымліваць іх і маліцца, але і па магчымасці стане ганаровым госцем на спартыўных спаборніцтвах.
"У сучасным свеце пытанне духоўнага, маральнага, маральна-патрыятычнага выхавання вельмі важнае. Сёння каля 150 нашых спартсменаў, трэнераў прысутнічалі на гэтым мерапрыемстве. Такое набажэнства мы праводзілі і да II Еўрапейскіх гульняў тут жа чатыры гады таму. Уладыка Веніямін не адмовіў нам і гэтым разам", - канстатаваў Сяргей Кавальчук. Па завяршэнні набажэнства адбылося падпісанне пагаднення аб супрацоўніцтве паміж БПЦ і Міністэрствам спорту і турызму. Подпісы пад дакументам паставілі мітрапаліт Веніямін і міністр спорту і турызму Сяргей Кавальчук. Упаўнаважаны па справах рэлігій і нацыянальнасцяў Аляксандр Румак падкрэсліў, што Беларусь з'яўляецца шматканфесійнай дзяржавай. "У нас дзейнічаюць рэлігійныя арганізацыі 25 канфесій і рэлігійных напрамкаў, - адзначыў ён. - Але ўзаемадзеянне дзяржавы выбудоўваецца з улікам уплыву канфесій на гістарычны лёс беларускага народа. І, вядома, самай уплывовай канфесіяй з'яўляецца Беларуская Праваслаўная Царква. Менавіта з БПЦ 20 гадоў таму было заключана пагадненне аб супрацоўніцтве. Узаемадзеянне адбываецца на аснове рэалізацыі праграм супрацоўніцтва паміж БПЦ і рэспубліканскімі органамі дзяржаўнага кіравання. Сёння падпісана новае пагадненне паміж Беларускай Праваслаўнай Царквой і Міністэрствам спорту і турызму. Новае пагадненне- гэта новы этап. Вельмі сімвалічна, што падпісанне адбылося напярэдадні II гульняў краін СНД.
У ходзе мерапрыемства для ўдзельнікаў была праведзена экскурсія супрацоўнікамі дзяржаўнай установы “Беларускі культурны цэнтр духоўнага Адраджэння” па Крыпце і Храме Святочнага Богаслужэння”.
Па матэрыялах БЕЛТА.
