7 кастрычніка 2023 года ў рамках святкавання Дня работніка культуры калектыў Дзяржаўнай установы "Беларускі культурны цэнтр духоўнага Адраджэння" наведаў адзін з найстарэйшых і найпрыгажэйшых гарадоў Беларусі - горад Гродна, які раскінуўся па абодвух берагах ракі Нёман. У рамках візіту супрацоўнікі Установы наведалі Стары замак, азнаёміліся з вынікамі яго рэстаўрацыі. Экскурсію па музейнай экспазіцыі замка правяла загадчыца навукова-асветніцкага аддзела Установы культуры "Гродзенскі дзяржаўны гісторыка-археалагічны музей" Усманава Марыя Сяргееўна. Калектыў нашай Установы наведаў таксама самую старую царкву ў Беларусі - БарысаГлебскую (Каложскую) і адзін з трох храмаў Беларусі, якія носяць тытул малая базіліка - Кафедральны сабор Святога Францішка Ксаверыя. Культурная паездка ў г.Гродна завяршылася чаяваннем. Усе ўдзельнікі паездкі засталіся задаволены і чакаюць паездак у іншыя цудоўныя куткі нашай краіны. Гэтыя паездкі сталі традыцыйнымі. Раней калектыў нашай Установы наведваў гарадскі пасёлак Івянец, азнаёміўся з мясцовымі славутасцямі, Храмам Еўфрасінні Полацкай, касцёламі Святога Міхаіла Архангела і Святога Аляксея, наведаў і экспазіцыю Івянецкага музея традыцыйнай культуры, таксама наведваў Гомельскі палацава-паркавы ансамбль і Цэнтр экалагічнага турызму “Станькава”.
Выказваем падзяку Рэлігійнай абшчыне «Прыход у гонар Усіх Святых у г. Мінску Мінскай Епархіі Беларускай Праваслаўнай Царквы» за прадастаўленне аўтобуса, асабіста кіраўніку Нацыянальнага мемарыяльнага комплексу «Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай» Фёдару Поўнаму, а таксама дырэктару Установы культуры "Гродзенскі дзяржаўны гісторыка-археалагічны музей" Кітурку Юрыю Віктаравічу за садзейнічанне ў правядзенні экскурсіі па Старым замку.
