21 чэрвеня напярэдадні Дня памяці і смутку ў мемарыяльным комплексе "Трасцянец" і на мемарыяльных могілках "Благоўшчына" адбылося ўрачыстае мерапрыемства - мітынг-рэквіем, прымеркаваны да Дня ўсенароднай памяці ахвяр Вялікай Айчыннай вайны і генацыду беларускага народа. Гэтае мерапрыемства было арганізавана пры ўдзеле Міністэрства па надзвычайных сітуацыях Рэспублікі Беларусь і Дзяржаўнай установы "Беларускі культурны цэнтр духоўнага Адраджэння". У мітынгу-рэквіеме бралі ўдзел Міністр па надзвычайных сітуацыях Сіняўскі В.І., намеснік Міністра Салановіч С.А., начальнік Мінскага гарадскога УМНС Суша В.А. , старшыня грамадскага аб'яднання «Беларуская асацыяцыя былых непаўналетніх вязняў фашызму» Кулага І. Г., а таксама дырэктар дзяржаўнай установы «Беларускі культурны цэнтр духоўнага Адраджэння» Госцеў А.У. Мітынг пачаўся з ускладання вянка і кветак да манумента "Брама Памяці", а таксама сумеснага выканання Дзяржаўнага гімна Рэспублікі Беларусь. Потым для дэлегацыі была праведзена аглядная тэматычная экскурсія па мемарыяльным комплексе. Памятная акцыя працягнулася на мемарыяльных могілках «Благоўшчына». Спецыяльна для мерапрыемства ГУ«Беларускі культурны цэнтр духоўнага Адраджэння падрыхтаваў таблічкі з імёнамі ахвяр лагера смерці «Трасцянец», у іх ліку вядомыя мінскія падпольшчыкі Я.У.Клумаў, В.К.Анісімаў, Н.К.Каржанеўскі і інш. для размяшчэння і ўвекавечання іх у «Лесе Імён». Пасля літыі, якую правёў прадстаўнік Усіхсвяцкай парафіі протаіерэй Аляксій Васін, дэлегацыя на чале з Міністрам МНС накіраваліся да «Леса імён», дзе на працягу традыцыі размясцілі на дрэвах таблічкі з імёнамі ахвяр, закатаваных у лагеры смерці Трасцянец.
