11.06.2025
11 чэрвеня 2025 года ў Крыпце Нацыянальнага мемарыяльнага комплексу «Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай» адбылася ўрачыстая цырымонія закладкі капсулы з зямлёй з месцаў пахавання вайскоўцаў Гомельскай пагранічнай групы, якія загінулі пры выкананні службовага абавязку. У цырымоніі ўвекавечання памяці пагранічнікаў, якія загінулі пры выкананні службовага абавязку, прынялі ўдзел намеснік Старшыні Дзяржпагранкамітэта палкоўнік Максім Бутранец, ваеннаслужачыя Гомельскай пагранічнай групы, курсанты Інстытута пагранслужбы, свяшчэннаслужыцелі, а таксама бацькі загінуўшых. Памінальную Літыю ў памяць аб загінуўшых пагранічніках здзейсніў кіраўнік Нацыянальнага мемарыяльнага комплексу, протаіерэй Фёдар Поўны. У сваім звароце да прысутных а.Фёдар адзначыў: «… дык вось, сёння мы сведчым не толькі пра подзвіг трох доблесных воінаў. Але і праз памяць аб іх, мы дакранаемся да памяці аб сваім народзе. Азірніцеся, за шклом гэтых ніш, не проста посуд з зямлёй, а імёны. Імёны нашых продкаў, імёны нашага народа. Тых, хто ваяваў са шведамі на пскоўскім возеры, тых, хто абараняў Сімферопаль ад турак, тых, хто абараняў Порт-Артур, тых, хто біўся з ворагам падчас Першай Сусветнай вайны і Вялікай Айчыннай вайны. Мільёны імёнаў, мільёны прозвішчаў. І да іх, да гэтага нябеснага воінства, нябеснага народа ўваходзяць новыя душы. Каб праз пяцьсот і больш гадоў, быць нябеснымі памагатымі для сваіх нашчадкаў. А наш першы абавязак - маліцца, таму што Вечная памяць, прытрымліванне іх прыкладу, гэта вытворная малітвы, Божая воля і водгук тых, пра каго і мы сёння памолімся…» Палкоўнік Максім Бутранец у сваім выступе адзначыў, што змешчаная ў Крыпту зямля з месцаў пахаванняў вайскоўцаў Гомельскай пагранічнай групы будзе. напамінам усім беларусам аб тым, што воіны-пагранічнікі заўсёды гатовы да подзвігу ў імя захавання жыццяў грамадзян нашай краіны.Пасля заканчэння мерапрыемства супрацоўнікамі Дзяржаўнай установы "Беларускі культурны цэнтр духоўнага Адраджэння" была праведзена экскурсія па аб'ектах Нацыянальнага мемарыяльнага комплексу.
Па матэрыялах: https://gpk.gov.by/
