15 жніўня 1988 года - 35 гадоў таму - завяршыўся першы этап вываду савецкіх войскаў з Афганістана. У гэты дзень у 2023 годзе ў г. Санкт-Пецярбургу стартаваў аўтапрабег ветэранаў Афганістана па маршруце г. Санкт-Пецярбург (Парк інтэрнацыяналістаў) - г. Мінск (Востраў Мужнасці і Смутку). У Мінску ветэраны Афганістана горада Санкт-Пецярбурга перадалі Мінскай гарадской арганізацыі ветэранаў вайны ў Афганістане "Памяць" ГА "БСВВА" гільзу з зямлёй, на якой устаноўлены ў Санкт-Пецярбургу манумент воінам, якія загінулі ў Рэспубліцы Афганістан.
19 жніўня гільза была перададзена ў Нацыянальны мемарыяльны комплекс "Храм-помнік у гонар Усіх Святых і ў памяць пра ахвяраў, якія паслужылі ў выратаванні Айчыны нашай". Літыю па загінуўшых у Крыпце Храма-помніка здзейсніў протаіерэй Аляксій Васін, далей для прысутных супрацоўнікамі дзяржаўнай установы "Беларускі культурны цэнтр духоўнага Адраджэння" была праведзена экскурсія па Крыпце, пастаяннай экспазіцыі "Музей Памяці". Мерапрыемства працягнулася ў Белай зале Храма-помніка, дзе дэлегацыі быў паказаны навукова-асветніцкі фільм “Трасцянец. Памяць агульная”.
