23 кастрычніка 2024 года на падставе рашэння Каардынацыйнай Рады па распрацоўцы і рэалізацыі сумесных праграм супрацоўніцтва паміж органамі дзяржаўнага кіравання і Беларускай Праваслаўнай Царквой і ў мэтах удасканалення дзейнасці ўстаноў адукацыі па грамадзянскім і патрыятычным выхаванні дзяцей і навучэнскай моладзі праз іх далучэнне да асноў праваслаўнай культуры і каштоўнасцяў хрысціянства ў Нацыянальным мемарыяльным комплексе «Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай» прайшлі рэспубліканскія краязнаўчыя чытанні навучэнцаў «Праваслаўнае краязнаўства – жыватворная крыніца духоўнага ўзбагачэння».
У мерапрыемстве прынялі ўдзел прадстаўнікі Міністэрства адукацыі Рэспублікі Беларусь, Старшыня Сінадальнага аддзела па супрацоўніцтве са свецкімі ўстановамі адукацыі протаіерэй Фёдар Поўны, старшыня Сінадальнага аддзела Беларускай Праваслаўнай Царквы па катэхізацыі Стэфан Варапай, дырэктар Дзяржаўнай установы "Беларускі культурны цэнтр духоўнага Адраджэння". Удзельнікі мерапрыемства прадставілі прэзентацыі па тэме чытанняў, у дакладзе і прэзентацыі дырэктара Дзяржаўнай установы "Беларускі культурны цэнтр духоўнага Адраджэння" быў раскрыты адзін з магчымых напрамкаў краязнаўчай работы па аднаўленні і пошуку інфармацыі аб удзельніках Вялікай Айчыннай вайны і партызанскага руху ў нашай краіне.
Пасля заканчэння мерапрыемства ўсім выступаючым юным краязнаўцам протаіерэем Фёдарам Поўным былі ўручаны памятныя падарункі, далей для прысутных былі праведзены экскурсіі па аб'ектах Нацыянальнага мемарыяльнага комплексу.
