13 лістапада 2024 года ў Нацыянальным мемарыяльным комплексе «Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай» адбылася цырымонія закладкі капсулы з месцаў пахавання вайскоўцаў Вялікай Айчыннай вайны, ураджэнцаў Беларусі ў г.Чэлябінску Расійская Федэрацыя). У мерапрыемстве прынялі ўдзел: старшыня рэгіянальнага аддзялення грамадска-дзяржаўнай арганізацыі "Асамблея народаў Расіі" Гюлаў Х.Я., памочнік ваеннага камісара Чэлябінскай вобласці па рабоце з ветэранамі Вядзмед А.А., старшыня Чэлябінскай гарадской грамадскай арганізацыі Беларуская нацыянальна-культурная аўтаномія Герашчанка Ю .В., кіраўнікі грамадскіх аб'яднанняў і калектываў мастацкай творчасці беларусаў замежжа. У Крыпце Храма-помніка да ўдзельнікаў мерапрыемства звярнуўся кіраўнік Нацыянальнага мемарыяльнага комплексу протаіерэй Фёдар Поўны. Пасля заканчэння памінальнага Набажэнства для прысутных на мерапрыемстве супрацоўнікі Дзяржаўнай установы "Беларускі культурны цэнтр духоўнага Адраджэння" правялі экскурсію па Крыпце, пастаяннай экспазіцыі "Музей Памяці", Храму святочнага Набажэнства.
