7 снежня ў Нацыянальнай бібліятэцы Беларусі адбылася міжнародная навукова-практычная канферэнцыя, прымеркаваная да 75-годдзя з дня прыняцця 9 снежня 1948 г. Канвенцыі Арганізацыі Аб'яднаных Нацый аб прадухіленні злачынства генацыду і пакаранні за яго.
У мэтах распаўсюджвання дакладнай інфармацыі аб генацыдзе беларускага народа, фарміравання прававых перадумоў для прызнання і асуджэння генацыду беларускага народа на міжнародным узроўні, а таксама інфармавання сусветнай супольнасці аб выніках расследавання крымінальнай справы і абмену вопытам Генеральная пракуратура правяла навукова-практычную канферэнцыю.
Мерапрыемства пачалося з прэзентацыі кніг “Генацыд беларускага народа. Карныя аперацыі» і «Кніга памяці. Еўропа».
У рамках канферэнцыі адбылося пленарнае паседжанне. З прывітальнымі словамі выступілі кіраўнік Адміністрацыі Прэзідэнта Рэспублікі Беларусь Ігар Сяргеенка, дзяржаўны сакратар Савета Бяспекі Рэспублікі Беларусь Аляксандр Вольфавіч, генеральны пракурор Рэспублікі Беларусь Андрэй Швед, старшыня Вярхоўнага суда Рэспублікі Беларусь Валянцін Сукала, міністр абароны Рэспублікі Беларусь Віктар Хрэнін, старшыня Следчага камітэта Рэспублікі Беларусь Дзмітрый Гора , генеральны пракурор Расійскай Федэрацыі Ігар Красноў, старшыня Следчага камітэта Расійскай Федэрацыі Аляксандр Бастрыкін. У пасяджэнні таксама прыняў удзел дырэктар Беларускага культурнага цэнтра духоўнага Адраджэння Аляксандр Госцеў.
Удзельнікамі мерапрыемства былі разгледжаны пытанні фальсіфікацыі гісторыі злачынстваў нямецка-фашысцкіх акупантаў, генацыд як з'ява мінулага або трагічная дадзенасць сучаснасці, абмеркаваны нацысцкія стратэгіі ў адносінах да этнасаў СССР, сістэмы доказаў намеру генацыду славянскіх народаў у дзеяннях нацысцкай Германіі на акупаваных тэрыторыях СССР.
У канферэнцыі прынялі ўдзел шэраг палітычных і грамадскіх дзеячаў, прадстаўнікоў грамадскіх структур, архіўных устаноў і вучонай супольнасці, якія ўнеслі важкі ўклад ва ўвекавечанне памяці ахвяр генацыду.
У рамках канферэнцыі 7 снежня на мемарыяльных могілках "Благоўшчына" была здзейснена літыя па ахвярах генацыду. Да прысутных звярнуўся протаіерэй Фёдар Поўны, а супрацоўнікамі Беларускага культурнага цэнтра духоўнага Адраджэння была праведзена аглядная экскурсія для ўдзельнікаў канферэнцыі.
Па матэрыялах nlb.by
