08.02.2024
8 лютага 2024 года супрацоўнікі Мемарыяльнага комплексу «Хатынь» наведалі Нацыянальны мемарыяльны комплекс «Храм-помнік у гонар Усіх Святых і ў памяць аб ахвярах, якія паслужылі ў выратаванні Айчыны нашай». Для дэлегацыі супрацоўнікамі Дзяржаўнай установы была праведзена экскурсія па Крыпце, пастаяннай экспазіцыі «Музей Памяці». Далей у Белай зале Храма-помніка адбылася сустрэча дэлегацыі з дырэктарам Дзяржаўнай Установы «Беларускі культурны цэнтр духоўнага Адраджэння» А.Госцевым, які адзначыў важнасць такіх сустрэч, у рамках адкрыцця новых даных аб генацыдзе савецкага народа на тэрыторыі Беларусі, абмену вопытам работы па захаванні гістарычнай праўды і памяці аб мірных ахвярах Вялікай Айчыннай вайны. Далей прысутныя азнаёміліся з праектам Інфармацыйнага цэнтра экскурсійнага абслугоўвання мемарыяльнага комплексу «Трасцянец», абмяняліся вопытам праектавання музейных экспазіцый і іх мультымедыйнага забеспячэння і пытаннямі, якія найбольш часта ўзнікаюць пры іх эксплуатацыі. Кіраўнік Нацыянальнага мемарыяльнага комплексу, протаіерэй Фёдар Поўны адзначыў, што «…У няроўнай барацьбе абаранялі сваіх аднавяскоўцаў і бязвінна загінуўшыя мірныя жыхары, дзеці, маці, старыя — усе ўвайшлі ў бездань міласэрнасці Божай, усе ўступілі ў Боскае святло, водбліскі якога перадаюцца і нам. А мірны настрой духу, з якім мы наведваем іх магілы, або ўспамінаем пра іх у храмах, або наведваем Крыпту Храма-помніка, як раз і сведчаць аб іх блаславёным нябесным спакоі.»
Даведачна:
Да фатальнага 22 сакавіка 1943 года Хатынь была звычайнай мірнай беларускай вёскай, якая налічвала 26 двароў. Напярэдадні за 6 кіламетраў ад яе партызаны абстралялі нямецкую аўтакалону. У перастрэлцы загінуў нямецкі афіцэр. Неўзабаве пасля гэтага Хатынь акружылі карнікі. Яны сагналі ў свіран старых, жанчын, дзяцей, замкнулі і падпалілі. У агні загінулі 149 чалавек, у тым ліку 75 дзяцей. У памяць аб усіх бязвінна забітых і як трагічны напамін аб жахах вайны ў 1969 годзе на месцы, дзе знаходзілася вёска Хатынь, быў адкрыты мемарыяльны комплекс.
