9 красавіка 2025 года напярэдадні дня вызвалення вязняў фашысцкіх канцлагераў, на тэрыторыі Мемарыяльных могілак "Благоўшчына" ў рамках Рэспубліканскага суботніка адбылася працоўная акцыя для работнікаў МНС, выхаванцаў ваенна-патрыятычных клубаў "ЗУБР" і "Ратаўнік", работнікаў Дзяржатамнагляду. Для ўдзельнікаў акцыі супрацоўнікі Дзяржаўнай установы "Беларускі культурны цэнтр духоўнага Адраджэння" правялі экскурсію і пазнаёмілі ўдзельнікаў акцыі з гісторыяй Мемарыяльнага комплексу і ў прыватнасці з гісторыяй урочышча "Благоўшчына", якое з 1942 года стала цэнтральным месцам масавых расстрэлаў мірных грамадзян. У памятнага знака адбылася хвіліна маўчання і цырымонія ўскладання кветак. Завяршылася мерапрыемства працоўнай акцыяй. «Я лічу, што мы сюды прыехалі, каб аддаць даніну памяці нашым продкам. Цяжка нават уявіць, што нацысты так здзекаваліся з нашых суайчыннікаў, – сказаў выхаванец ваенна-патрыятычнага клуба «Ратавальнік» Марк Юхневіч.
